與型男夜遊記

已經忘了是那晚的事, 但應該位型男要求要將他的英偉記低於此blog

08 年尾某一夜, 型男相約我去玩樂, 型男啵, 我當然仆住去啦對不對?
但他非常大牌, 大概要化妝揀衫左襯右襯, 竟大刺刺地遲到45 分鐘
我在寒風中一邊吃著chocolate sundae 一邊站著呆等將近一小時他施施然到達
( 我真的很喜歡冬天吃雪糕的, 越凍越爽!! )
換著別人我早已黑面了因為我最憎人遲大到的, 不過對型男我的忍耐能力是很高的
他一來就神色凝重四周張望, 然後在我耳邊煞有介事壓低聲線說了一句:

" 你覺唔覺得... 我好似一個幹探? "

我差點將口中雪糕全噴在他身上, 我沒有準備他會如此忽然自我膨脹

" 借問聲何以見得呢? "
" 唔係呀, 你睇下我今日個look, 再加上我敏銳既目光... "
( 他當晚只不過穿了一件風褸, T-shirt + 牛仔褲 )
" 得, 明, 咁呢位幹探下次體能測試係幾時呢? 修身啦, 過唔到就唔好啦 "
" 我咪就係o個D 體能唔係一流但頭腦一流o個D lor, 破案次次要靠我架! "
( 講得像真的一樣 )
" 唔好搞到我講粗口啦好唔好... "
" 唔係呀你求其指個人丫, 拿就o個個丫, 我望一眼就知佢邊間公司做架! "
" ...... "
" 你o係條街度問100 個人我都肯定冇一個人知, 但我就一眼睇得出! "
( 他說這話時自信是滿瀉的 ) ( 他真的極認真地迫我認同他 )
" 我冇懷疑你有呢個能力...不過... "
" 你去問人丫你而家去問人丫, 睇下有冇人知丫! " ( repeat n 次 )
" 我放棄了, 你贏, 幹探大人, 你想去邊食飯? "

幹探臉上馬上出現滿足的笑容, 好一個天真的幹探
不過他事後的確有紋有路地告訴了我如何推理他所指那人的所屬公司的...



飯後在街上蹓躂了一會後二人興致勃勃地去波樓打算上演一幕海軍鬥水兵
我倆都很久沒玩過了, 其實我真的頗喜歡桌球這運動的
只不過我的視力問題加我手震我經常性偏離目標, 我都不想的哈哈
此時幹探又突然爆出一句:

" 太耐冇一展身手喇, 唔知技術有冇生疏到呢 "

事實上我未與幹探打過桌球的, 雖然他說打過一次, 不過我零印象
但據我所知, 他應該比我更不堪的, 我開始懷疑他會不會真的是卧虎藏龍呢?
到達波樓, 他大概仍沉醉於他那幹探的身份, 職業所需又四周視察一番
我set 好一切後開過波後才呼喚他埋位, 他在我耳邊輕輕地問了一句:

" 我而家係唔係應該打紅色波先呀? "

果然只是扮有型, 還以為他真的胸有成竹
但他有如神助一樣第一局竟然可以險勝我一度



他又開始自我膨脹了, 開始放棄幹探身份, 著我稱他為波神
隨後第二局就接著展開了, 幸運之神開始離棄波神, 連白波都打飛了出桌外
前前後後差不多加了60 度給我, 分牌都不夠位加我分要改成扣他分



看上去多瘋狂, 我是以120度取勝的哈哈哈
波神不服氣, 堅持要三盤兩勝, 結果唯有再來第三局一決高下了
當然都是我贏啦, 氣死了他 =D



宵夜時他陪我看侯城對維拉, 為表示他足球知識上的進步他不斷發表意見
又顯示他對維拉的認識, 說有留意該隊今季在英超中的表現等等
我忍笑忍得極辛苦, 不過見他如此努力, 我選擇讚美他
看到55 分鐘, 波神終於放下面子, 在我耳邊輕輕地問了一句
" 其實邊隊係維拉邊隊係侯城? 咩色波衫架? "
笑鬼死我! 我跟他說, 你不如都是做回幹探吧, 可能還有把握一點呀

相信有部份人應該知道誰是型男的, 別開名呀, 心知就得了 =D