01 January 2009

吒咤點點點

  • 我覺得最莫名其妙的是古巨基有男歌手銀獎而張敬軒完全沒有份
    Eason 都只不過得銅獎而他有銀? 有沒有搞錯了! 徹頭徹尾不能理解
    他今年那隻碟全碟一個唱腔, 悶到爆, DJ 那麼喜歡他都在狂播嗎?
    唉, 我承認我是非常不喜歡古先生的

  • 十大中那首ABC, 究竟是什麼東東? 唱的那又是誰? 我連名字都未聽過...
    林海峰那首商台自己人怒播意料之內, 但ABC.... 什麼來的?
    側田那首三十日呢? 去了那裡? 不是都被喪播的嗎? 這首好好聽呀

  • Fa 姐唱live 唱得好多了呀, 我不懷好意地留心細聽, 哈哈, 沒走音呢
    還唱得很不錯, 真令人又驚喜又意外, 那首歌不易唱的呀

  • 祖兒拿金獎我都覺得有點surprising, 因為kay 今年太強了
    但她的談吐仍然是一舊一舊的, 準備定台詞似乎沒幫助, 甚至更怪
    我懷疑她自己都不知自己在說什麼, 花園論主題是有了, 但詞不達意, 搞笑
    ( 有沒有人看了TVB 的直播? 我看到了琪琪XDDD )

  • 人人都在說方大同好, 人人都說他的大碟水準一流, 那我都覺得他是有才華的
    唱得好, 歌都寫得很溫柔很順耳的模樣, 但我聽上去覺得全都有如搖籃曲
    而且他那聲線我覺得沒有特色, 我聽再多次都認不出他的聲音
    我其實比較喜歡他寫給別人的歌如甜蜜蜜, 天國的微笑及今夕是何年

  • 女新人金獎, 鄧紫棋, 我電腦中不知何故有她的一首歌, 一直不知是誰來的
    是一首英文歌叫sleeping beauty, 聲音很有力量的, 唱得算很好
    但我到現在才知道她只是一個17歲的小妹妹, 嘩, 完全不能想像

  • 而男新人, 我沒有一個聽過名字, 真誇張...
    新組合, 名字倒是聽過的, 不過歌都是完全沒聽過...

  • 填詞人, 我始終是偏愛wyman 的, 只有他才能寫出一個完整的故事令人感動
    夕爺有的是新角度新主題, 但大部份情況下都是大半首詞不知所云左堆又砌
    或者是我理解能力差吧, 不過能長期如此多產又真的令人非常佩服的

  • 雖然不斷都有人批評雷頌德抄歌, 不過我仍然覺得他是厲害的
    在IC 讀畢engineering 再回HK 風馬牛不相及地玩音樂其實不容易
    他是一個很有原則的人, 很高興見到他拿獎

  • 最後頒的是我最喜愛女歌手, 我多害怕又成了千嬅囊中物, 感覺太造馬
    原來是謝安琪, 很好, 我喜歡她的聲音, 唱得真的好, 原來大家都喜歡她
    可惜的是HOCC 大碟大概是推出得太遲, 一個獎都沒有呀...

9 comments:

Anonymous said...

1. 無軒仔我都覺得有少少怪,不過eason銅好多人都講正路,畢竟eason真係少廣東歌
2. 個個係mc jin(好似係咁),不過佢首ABC =.=,真係唔識欣賞,咁都10大,真係$%^&*()_
3. FA姐,真驚喜
4. 你偶像拎 =.= 講真我覺得佢應該拎銀~~~~~唔好打我XDDDDDD
5. 方大同,一首佢既歌都未聽過
6. gem,巨肺!17歲,有前途
7. 男新人,個個都聽過,不過銀銅2位第1次見佢個樣,至於金既william,SUN BOY'Z 個個wor,應該無理由未聽過,可能你唔知佢中文名only XDDDD
8. WYMAN 貴精不貴多,應該都係林夕主導
9. MARK,無咩特別感覺
10. 預左係KAY XDDDDDDDDDD

麥斯威爾 said...

哎呀!!睇唔到kiki!!!

ABC....好難聽...........................

Anonymous said...

古生今年有咩歌??我好似一首都無聽過囉
吒咤10大
我好似凈係聽過,joey果首......
其他完全唔知咩來 = =

jan said...

6:

1. 我唔係話eason 要拎銀或金, 只係佢得銅古生冇理由銀!!
2. 我媽後尾同我講電台真係狂播lor...
3. 完全驚喜到爆
4. 我同一般fans 唔同我, 我好公度架xddd
5. 我覺得方大同D歌係聽住黎訓覺的 =]
6. 佢plug 過既歌反而我未聽過lor~
7. william 呢個英文名我聽過既, 樣就唔認得喇...
8. wyman....the best lor...
9. IC 既engineering 唔易入架, 一早知自己讀完唔會入o個行都可以完成個學位係好西利的, 真係覺得佢好得 =D
10. 我以為仲會係千fa XDD

ta:

古生有2首歌我知的, 一首叫好似唔知咩再見, 另一首係眼睛不能沒眼淚, 嘩, 兩首都悶到呢....=.= 我唔識欣賞...

Anonymous said...

古生,下次再見, 年年有今日, 眼睛不能沒眼淚....

jan said...

年年有今日... -.- ... 咩黎... -.-

篤篤篤撐 said...

ABC是歐陽靖, 在美國rap開的, 據說在美國rapper中很出名, 他在lkf留學生之中, 分分鐘出名過古巨基....

夕爺有的是新角度新主題, 但大部份情況下都是大半首詞不知所云左堆又砌>>>太說出我的心聲了...

仲有, 我尋日其實最想睇wyman, 好想睇佢著咩野衫....正確地說, 係想睇佢幾時著錯衫,
我承認, 我比較黑心

篤篤篤撐 said...

仲有, 關於mark lui, 佢入行, 應該係有世叔伯煦住, 一入行, 就可以拍住黃霑做青蛇既配樂...

jan said...

終於有人同我對夕爺有相同觀感喇好感動呀T^T
次次我講親D人都係話搞錯呀夕爺佢超勁
佢間唔中係有一首半首寫得完整D, 但真係大多數都好求其咁, 都唔明既...

mark lui 係應該識人的所以佢入行入得快, 不過我佩服佢既主要原因係佢明明心在音樂, 但都可以為左父母咁認真咁o係咁難入既IC度畢業先去玩佢既音樂, 好勁, 你睇下eason o個D 讀左一半就捱唔住了~

Some Comments

Some Other Posts