27 July 2009

對話 - 味吉陽七入廚樂

推出一篇舊文等大家笑下, 主人翁...大家應估到是誰的
其實已經是數個月之前的事, 當時打好了卻沒有出post
自己都已忘了, 剛剛發現, 就決定讓它重見天日^^




與某 " 人類 " 見面晚飯, 久 ( 3 日 ) 別重逢天南地北
忽然, 他道出了一件駭人的事, 他究竟是人不是, 好想死


人類: 呢, 我近排好慳呀, 夜晚通常都自己煮公仔麵食
我: 你呢... 唔好用個煮字啦, 你放入微波爐叮姐
人類: 一樣姐
我: 食D 有營養D 既野啦你
人類: 我有加料架
我: 咁厲害呀, 加咩呢?
人類: 我o個日見有兩盒就過期既奶驚飲唔切, 用左黎煮公仔麵
我: 囧...唔係掛...
人類: 真架, 咁我怕嘥左D 奶丫嘛
我: 我想問...咁...你有落包味粉嗎?
人類: 有呀, 我仲加左隻蛋
我: 囧...點處理呀大師?
人類: 用奶叮熟左個麵先, 再落味粉同打蛋撈下再叮
我: 你...好核突...
( 我開始控制不了地想像那製成品的模樣 )
人類: 咩呀, 幾好味架!!!
我: 聽都想嘔呀大佬...
( 去到這裡基本上已經笑到我標眼水 )
人類: 我仲加多左塊芝士o係面叮到溶溶地之後先食
我: 你唔好再九唔搭八D 添 XDDDD
人類: 咩呀, 牛奶雞蛋同芝士都好有營養架, 係個公仔麵冇姐!
我: OK YOU WIN =___=
人類: 我食完個麵見剩返D 湯倒左又嘥, 我放返入雪櫃
我: ( 一聽到個心好寒 ) 做咩呀? 你想點呀?
人類: 之後再用返黎煮囉, 煮左3 次尋晚剛食哂
我: 痴X 線咁都食你唔死 XDDDD

事後此人自稱味吉陽七, 新花朵, 恭喜
他告訴我奶麵這個idea 是由小時候一件事 " 啟發 " 的
話說他有一次吃燒味飯吃到一半不小心倒瀉了維他奶在飯中
他照吃, 驚覺原來味道很不錯, 就再倒多點撈著吃...

6 comments:

新鮮人 said...

新派菜式不是人人可以接受,
暫時應該得佢一個可頂得住!

嘔~~~~~~~~ing =____=!!

ta said...

使唔使咁慳呀?
D湯我一向食完都係倒0左佢

麥斯 said...

笑死我LAR!!!!XDDDDD

* jan said...

佢真係傻架XDD

Fanny said...

OMG 咁都得.....@w@~~~

* jan said...

佢都冇咩做唔出架喇....

Some Comments

Some Other Posts