08 March 2009

在澳門的十二小時



總覺得如果去澳門只是為了一個演唱會是一種浪費
雖然那是一個去過無數次的地方, 都決定與琪琪早一點過去逛
當我們經觀察過後正在讚嘆自己的分析力真強之際
原來也只不過是照原定計劃上到2:15pm 那班船 XDDD
最初打算迫琪琪陪我去黑沙灘的, 但時間似乎太緊迫就作罷了
結果行程改為非常簡單, 就是光吃, 計劃一直吃到開show
於是兩個白痴遊客在小小的澳門拿著大大張的地圖狂刨
我們的行徑簡直就有如身在台灣自由行, 而我們... 只不過在澳門



即興去吃很久沒吃過那有真魚翅的碗仔翅 ( 位置在打你老味大馬路附近XDDD )
那條人龍真的是千古長存的, 而且只以龜速移動
太肚餓之故決定放棄等位, 索性買外賣在街頭站著吃
兩個飢民雖然像已餓了三千年, 百忙中都沒忘了拍照留念哈哈

之後為了一碗傳說中的牛雜, 兩位飢民發顛地不停搶地圖爭著看
經過一番研究之後, 上了一架巴士 ( 那個巴士路線圖真的看得人頭都暈 )
澳門的地圖, 是一個騙局, 不知放大了多少倍
由A 點去B 點, 看上去是多麼的遙遠, 中間有千千萬萬條街相隔
原以為車頭那指示燈會有下一站提示, 原來只是用來賣廣告的嗎?
我跟琪琪唯有在車上迷惘地研究到底應該何時下車
終於捕捉到自己的位置, 正沾沾自喜中, 不知有沒有10 秒
就赫然發覺, 噢, 我們過站了... 真令人沮喪
不過原來只要跟司機說一聲, 他會隨意開門讓你下車的, 嘩, 的士呀XDDD



沿路見到很多小食, 麵店之類我都嚷著要嘗, 但被琪琪阻止了
她說我未找到牛雜將會經已吃飽, 哈哈, 太有可能了
我們要去的三盞燈區我以前是去過的, 不過印象很模糊
結果兩個白痴大概在圍著三盞燈區繞圈 XDDD
忽然琪琪指著三盞街燈興奮地問 " 是這裡嗎!! "
我也一度以為是, 但其實那只不過是普通的三盞路燈, 好爆笑XDDD



找到要去的那區, 卻又找不到目標店添記牛雜
( 其實都不知為何要千辛萬苦去吃一碗牛雜XDD )
見到一千零一間沒有招牌的牛雜小店, 未能確認
於是我叫琪琪上前去問一問主持人是否添叔但她不肯XDD
無助地, 我們唯有當那就是添記, 還替添叔拍了照XDDD



有人說紅色的街市樓上有美味熟食店, 於是飢民又去了紅街市
橫衝直撞衝上樓上, 跑了死豬樓梯, 不過並沒有任何熟食檔口
問好心人後又再乘車去營地街市, 這裡真的有熟食中心了
原來紅色, 是指街市的內部有一點點紅色部份 =__=
由於已太晚了, 整層只剩一店未關門, 照吃, 嘩, 牛肉炒牙菜呀XDD



全日的重點, 在於演唱會後與詩詩見面 =D
她拿了車打算帶我們去吃宵夜, 真細心呀 ^^
不過因為我們看演唱會碰到阿Yan, 人數有變所以都要分的士去
大家可能太眼訓, 兩架車分別去了兩個地點, 結果又要再會合
人山人海, 等等等等等, 坐下又再等食物, 餓死人
中途細茵琪琪嘈交掟野, 詩詩問我, 平時都是這樣的嗎? 對XDDD
歡樂的時光過得特別快, 最大件事是我忘了跟詩詩合照T^T
多謝詩詩的宵夜及招待, 你快點來香港玩, 我們輪住請你食飯=]



1:30am 去到碼頭, 竟然2:30am 才有船, 欲哭無淚
慘在次日我要一早工作, 實在元氣大傷...
激辛苦, 眼訓到一上船就昏迷, 我要休息一星期
我打算晚晚12 點前睡, 不會再有夜間活動!

8 comments:

麥斯威爾 said...

杏仁餅~杏仁餅~~~
我要食杏仁餅~~~~~ =q=

Anonymous said...

我唔覺佢地有買到野拎返去啵, 大王, 你要失望了, 哈哈!

珍妹, 我返到屋企先醒起我地冇合照, 哈哈!!!!!!!!!!!!!!!

Anonymous said...

我要澄清..我同細茵並沒有"嘈交掟野"
情況只係跌左個餐牌冇人肯執jak xxxxxd

P.S : 今次澳門短遊 3 小時令我對澳門o既印象唔同曬
(真係好似台灣自由行呢)

冇同 cc 合照真係超超可惜 ...-_-

Anonymous said...

返我鄉下食野都唔搵埋我>"<
不過我下個月都要返去兩次=.=
豬腦麵呀>o<

jan said...

max~ 結果我咩都冇買...

詩~ 唔知要等幾耐先到下次可以影:(

ki~ 我係唔係要改返做 " 傾計跌野 " ? XDDD 下晝o個3個鐘真係好爆笑 =D

小禹~ 4 點食到7 點之後去睇show 喎, 你咁都會彩我?

麥斯威爾 said...

cc~唔緊要播~~~你會黎hk 家ma~XDDDD

jan~你竟然冇買 TT^TT~~~~~

CC said...

Max, 我會黎hk, 但不知幾時呢....
今年祖祖都唔會再開演唱會.....

Anonymous said...

澳門嘅小食都幾特別哦,好多都是其它地方都冇得賣嘅

Some Comments

Some Other Posts